කිරි අල

තෙත් කලාපයේ ගෙවතු පරිසරයේ සම්ප්‍රදායික යැපුම් බෝගයක්ව පැවති කිරිඅල, අද විශාල විදේශ වෙළදපොලක් ඇති මුදල් උපයන බෝගයකි.

කිරිඅල කන්න බෝගයක් නොවේ. වසරේ ඕනෑම කාලයක ජල පහසුකම් සහිත ඉඩම් වල එය වගාකළ හැකිය.

දේශගුණික අවශ්‍යතා
කිරිඅල සෙවන ලැදි බෝගයකි. එසේ වුවද, වියළි හා අතරමැදි කලාපවල ආන්තික කුඹුරු වල, තෙත් කලාපයේ බෑවුම් හා ඕවිටි බිම්වල, විවෘත බිම් තත්වයෙන්, ප්‍රධාන බෝගයක් ලෙසද මහා පරිමානයෙන් වගාකෙරේ.

සෙවන දක්වන ලැදියාව නිසා කිරිඅල තෙත් හා අතරමැදි කලාපයේ පොල් හා කෙසෙල් වගා සදහා යෝශ්‍ය අතුරු බෝගයකි. එසේම එය අඩු අවදානයකින් රැකබලාගත හැකි, කෘමි හා ලෙඩ රෝග ඉතා අවම මට්ටමක පවතින බෝගයක් ද වේ.

නිර්දේශිත ප්‍රභේද

ඉසුරු
වෙළදපොලට යෝග්‍ය ඉහළ ගුණාත්මයේ අල නිපදවයි. ඕනෑම වගා ක්‍රමයකට අනුවර්තනය වේ. අවම අවධානයක් යටතේ මාස 8 – 10 දී වැඩි අස්වැන්නක් ලබාදේ.

රෝපණ ද්‍රව්‍ය
වගාවක අස්වනු නෙලීමෙන් පසු ලබාගන්නා මව් අල, පැල නිපදවා ගැනීම සදහා භාවිතා කළ හැකිය. හොදින් වැඩුණු මව් අලයකින් සිටුවීමට සුදුසු තත්වයේ පැල 15 පමණ ලබා ගැනීමට පිළිවන. පවතින වගාවක වැඩි අස්වැන්නක් ලබාදුන් මව් අල වලින් ලබාගන්නා පැල සිටුවීමෙන් වැඩි අස්වැන්නක් ලැබේ.

පැල සකසා ගැනීම සදහා, තෝරාගත් මව් අල අගල් 1 ½ - 2 පමණ ඝනකම පෙතිවට කපා තවාන් කරන්න. තවානෙහි තෙතමනය පවත්වා ගැනීමට වරින් වර ජලය සපයන්න. තවාන්කර මාස 1 ½ පමණ සිටුවීම සදහා සුදුසු පැල නිපදවාගත හැකිය.

පළමු වගාවේ මව් කරඩු ද එකවරම නව වගාවක සිටුවීම සදහා යොදාගත හැකිය.

පරතරය
බීජ අල අවශ්‍යතාවය පැල 4000 අක්කරයට.
ලබාදෙන පරතරය වගා ක්‍රමය අනුව වෙනස් වේ.
තනි වගාවක් ලෙස - මීටර් 1 x 1
අතුරු වගාවක් ලෙස - මීටර් 1.2 x 1.2

වලවල් සැකසීම
සැහැල්ලු පසක නම්සෙ.මී 45 x 45 x 45 x ප්‍රමාණයටද මැටි ප්‍රමාණය අධික තද පසක නම් සෙ. මී. 60 x 60 x 60 x ප්‍රමාණයටද වලවල් සකසා ගන්න. වලෙහි ගැඹුරින් 1/3 පමණ ප්‍රමාණයක්, මතුපිට පස් සහ තාච්චියක් පමණ හොදින් දිරාපත්වු කාබනික පොහොර වලින් පුරවන්න.



පැල සිටුවීම
ඉහත ලෙස සකසා ගත් වලෙහි මැදින් සැහැල්ලුවට සිටිනසේ පැලය සිටුවන්න. මේ සදහා වඩා සුදුසු වන්නේ වැසි කාලයේ ආරම්භ යයි. පසෙහි තෙතමනය සීමාසහිත වන ප්‍රදේශයන්හි වල ඇතුලත පොල්ලෙලි තට්ටුවක් උඩ අතට සිටින සේ අතුරා ගන්න.

කෙසෙල්, පොල් වැනි බෝග සමග අතුරු වගාවක් ලෙස කිරිඅල වගා කරන විට එම බෝග වලින් ඉවතලන ද්‍රව්‍ය කාබනික පොහොර ලෙස යොදාගත හැකිය. ප්‍රධාන බෝගයෙන් සෙවන ලැබෙන නිසා පස වියළීයාම බොහෝදුරට අඩු වීම මෙහි ඇති වාසියයි.

පොහොර යෙදීම
පැල සිටුවීමේදී යොදන ලද කාබනික පොහොර වලට අමතරව පහත සදහන් අන්දමට රසායනික පොහොරද වගාවට යොදන්න. එමගින් වැඩි අස්වැන්නක් ලබා ගත හැකිය.





කෙසේ වුවද පොහොර යෙදිය යුත්තේ පසෙහි තෙතමනය පසෙහි තෙතමනය පවතින අවස්ථාවේදී පමණකි. එනම්, වර්ෂාවකට හෝ ජල සම්පාදනයකට පසුවය. එනිසා පොහොර යොදන වාර ගණන මේ අනුව තීරණය කරන්න. කෙසේ වුවද නිර්දේශිත සම්පූර්ණ පොහොර ප්‍රමාණයම බෝගයට ලබාදීමට වග බලා ගන්න.

පොහොර යෙදීමේදී, වගාවේ වයස පිළිබදව නොසලකා අනවශ්‍ය ලෙස පොහොර භාවිතා කළහොත් ගසේ වර්ධක වර්ධනය වේගවත් වේ. එවිට හටගන්නා ~~අල කුරුලිලන්" සංඛ්‍යාව අඩුවේ. එම අල කුරුල්ලන්ගේ තිබිය යුතු වෙළදපොල ප්‍රම්තිය ද නැති වී යයි.

වල් පැලෑටි පාලනය
වගාවේ මුල් අවස්ථාවේදී එනම් බෝගයේ පත්‍ර වලින් පොළව ආවරණය වන තෙක් වල් පැලෑටි පාලනය පිළිබද සැලකිලිමත් වන්න.

පස් යෙදීම
බෝගය සිටුවා මාස 4 – 4 ½ වන අවස්ථාවේ අල කුරුල්ලන්ගේ වැඩීම ආරම්භ වේ. මෙම අල කුරුල්ලන් බෝගයේ වයස මාස 8 – 10 වන තෙක් පස තුල වැඩේ.

පොහොර යොදන හා වල් මර්ධනය කරන සෑම අවස්ථාවකදීම ක්‍රමයෙන් පැලය අසලට පස් දමා වල පුරවන්න.

කෘමි හා රෝග පාලනය
කිරිඅල වගාවට දරුණූ කෘමි හා රෝග හානි ඇති වන්නේ කලාතුරකිනි. නමුත් ඉඩමේ ජලය බැසයාම දුර්වලවු විට සහ පසෙහි මැට් ස්වභාවය අධ්කවුවිට විට මුල් කුණූවීමේ රෝග ඇති විය හැකිය. එවිට පත්‍ර කහ පාට වී පැල මිය යයි.
මෙයට අමතරව කූඩිත්තන් හා කීඩෑවන් නිසාද බෝගයේ පත්‍ර වලට හානි සිදුවිය හැකිය. කන්න කිහිපයක් එකම ඉඩමේ කිරිඅල වගා කළ විට වටපනු හානියද ඇති වීමට ඉඩ තිබේ.

ක්‍රමවත් වගා පාලන ක්‍රම අනුගමනය කිරීමෙන් මෙම අහිතකර තත්වයන් මගහරවා ගත හැකිය.

අස්වනු නෙලීම
අල කුරුල්ලන් මේරීමත් සමග ගසේ පත්‍ර හටගැනීමේ වේගය අඩුවේ. එවිට හටගන්නා පත්‍රවල ප්‍රමාණය කුඩා වන අතර නටුවේ දිගද අඩුවේ. මෙවැනි අවස්ථාවක පවතින වගාවන්හී අල කුරුල්ලන් පොළව මතුපිටට වර්ධනය වන බවද දැකගත හැකිය.

මේ අවස්ථාවේදී ගස වටා පස් ඉවත්කර තුවාල නොවනසේ අල කුරුල්ලන් ගලවා ගන්න.

අස්වැන්න
හොදින් නඩත්තු කළ වගාවකින් හෙක්ටයාරයට මෙට්‍රික් ටොන් 16 – 18 පමණ අස්වැන්නක් ලබාගත හැකිය.

අස්වැන්න සැකසීම
නෙලාගත් අල කුරුල්ලනගේ ගුණාත්මය හීන නොවී දිගු කළක් ගබඩා කර තබාගත හැකිය. අල කුරුල්ලන් පිරිසිදු කර තට්ටු 3 - 4 වඩා උස නොවන පරිදි හොදින් වාතාශ්‍රය ලැබෙන ආවරණය සහිත ස්ථානයක ගබඩා කර තබන්න. දිගැටි ප්ලාස්කු හැඩයෙන් යුත්, අලයේ පසු හා ඉදිරි කෙළවරවල වට ප්‍රමාණයන්හි වෙනස අඩු, දුඹුරු පැහැති ශල්කමය ආවරණයක් සහිත අල කුරුල්ලන් සදහා වැඩි වෙලදපොලක් ඉල්ලුමක් පවතී.